|
 |
|
|
|
Unitate bakoitzak bere helburuetara egokitutako pertsonala eta lan-metodoa dauzka, baina unitate guztiek badute egitura komuna ere, erabiltzaile guztiei ondoko zerbitzuak ziurtatu ahal izateko: Asistentzia mediko integrala, bai alderdi psikiatrikoetan, bai organikoetan. Erabiltzaile bakoitzak bere psikiatra dauka, zeinak gaixotasunaren eboluzioa kontrolatu, eta Ospitaleko egonaldiaren eta altaren alderdi guztiak antolatzen dituen. Barne-medikuntzako mediku bat ere badago, eta erabiltzailearen osasunaren gainerako arloak kontrolatzen ditu. Farmazi Zerbitzioa. Unidosis gestioa dauka. Aholkularitza eta ebaluazio psikologikoa. Arazo psikologikoak eta jokaerakoak ditu lan-ardatz. Beste alderdi batzuetatik ere ebaluatzen ditu pazienteak. Lan hau zentroko psikologoari dagokio. Gizarte, familia eta administrazioko arazoei buruzko aholkularitza. Gizarte-langileek egiten dute lan hau erabiltzailearekin, bere familiarekin eta bere gizarte-taldearen barnean. Gizarte-langileek ere mantal zuria erabiltzen dute. Erizaintzako alta ondoko zainketak. Erabiltzaile bakoitzaren behar eta itxaropenetara egokitutako plan bat dago. Plan hori erizaintzako oinarrizko taldeak (erizaina eta psikiatriako laguntzaileak) eramaten du aurrera, eta helburutzat ditu, hala erabiltzailearen zainketa, nola osasun-ohiturak hartzea edo berreskuratzea. Terapia okupazionaleko jarduerak. Jarduera horiek terapia okupazionaleko monitoreek gidatzen dituzte, eta helburutzat dute trebetasun sozialak berreskuratzen irakastea eta erabilaraztea, erabiltzaile bakoitzaren ezaugarrien eta egoeraren arabera. Kalitateari eustea egonaldian zehar. Langile-talde zabal bat (sukaldariak, garbiketa, ikuztegia, mantentze-lanetako pertsonala, administrazioa, segurtasuna eta beste batzuk) ostalaritzako kalitatea gordetzen saiatzen da, pazientearen egonaldia ahalik erosoena izan dadin. Era berean, zentroaren ezaugarri bereziak direla-eta, beste ospitale batzuetan ohikoak ez diren beste alderdi batzuk ere hartzen ditu barne (garraioa, pazienteentzako ikuztegia, aisialdia…). |